Amdanom ni

Ein stori

Sefydlwyd Sefydliad Bevan yn 2001 i atgyfnerthu polisi cyhoeddus ar ôl datganoli. 

Enwyd ni ar ôl Aneurin Bevan, sylfaenydd y GIG, oherwydd ein cyd-ymrwymiad i gyfiawnder cymdeithasol er bod y Sefydliad yn gadarn amhleidiol.

Ers hynny, rydyn ni wedi gwneud cyfraniad sylweddol i bolisi cyhoeddus:

• Canlyniad ein hymgais i geisio cyfiawnder economaidd ar gyfer cymoedd de Cymru oedd i Lywodraeth Cymru gyflwyno dwy raglen ddatblygu yn ystod y 2000au.

• Cyfrannon ni at lunio ‘rhaglen flaengar’ 2007-11 Llywodraeth Cynulliad Cymru ac i wneud tlodi yn flaenoriaeth ar gyfer gweinyddiaeth Llywodraeth 2011-6.

• Gwyntyllwyd y cwestiwn o drethu newydd datganoledig yn gyhoeddus a oedd yn sylfaen i gynigion Llywodraeth Cymru i ddefnyddio ei grymoedd trethu newydd yn ystod gweinyddiaeth llywodraeth 2016-21.

• Roedden ni’n allweddol i atal diddymu’r help gyda chostau gwisg ysgol ar gyfer plant o deuluoedd tlawd.

• Ymgyrchon ni’n llwyddiannus i deuluoedd dderbyn yr arian yn lle cinio ysgol am ddim pan fu rhaid i ysgolion gau oherwydd haint y coronafeirws.

• Fe wnaethon ni wella mynediad i bobl isel eu hincwm i grantiau a lwfansau datganoledig , megis prydau ysgol am ddim a gostyngiad yn nhreth y cyngor.

Yn ystod 2020-21 hefyd, fe wnaethon ni’r canlynol :

• Cyhoeddi 30 o adroddiadau, dros 100 erthyglau ar-lein a chynnal 17 sesiwn briffio
• cawson sylw yng nghyfryngau’r DU, a sylw yn y cyfryngau Cymraeg ac arbenigol
• ymwelodd 41,000 â’n gwefan a chawson ni 12,500 yn ein dilyn ar y cyfryngau cymdeithasol
• mynychodd 600 o bobl ein digwyddiadau
• cynigion ni dystiolaeth arbenigol i bum ymchwiliad Llywodraeth Cymru a dau ymchwiliad Senedd y DU
• dyfynnwyd ni 50 o weithiau gan Aelodau’r Senedd o  bob plaid wrth drafod busnes y Senedd a chyfrannon ni i ymchwil y Senedd

Ein cyllid

Mae llawer o bobl a sefydliadau yn galluogi’r Sefydliad i ddylanwadu’n sylweddol.

Tanysgrifiadau

Mae dros 100 o sefydliadau o bob math yn elwa o’r syniadau a chyfleoedd unigryw yr ydyn ni’n eu cynnig ar gyfer dysgu a rhwydweithio gydag eraill.

Rhoddion

Mae cannoedd o unigolion yn cefnogi a chynorthwyo Sefydliad Bevan naill ai gyda rhoddion un-tro neu roddion cyson. Mae eu cymorth ariannol yn ein galluogi i ddweud ein dweud, datblygu atebion a gwneud gwahaniaeth. 

Ymddiriedolaethau a Sefydliadau

Cynorthwyir prosiectau arbennig gan ymddiriedolaethau a sefydliadau elusennol a weithiau gan gyrff cyhoeddus neu gyrff y trydydd sector a busnesau. 

Ymhlith cyllidwyr cyfredol a diweddar mae:

• Sefydliad Friends Provident
• Sefydliad Joseph Rowntree
• Ymddiriedolaeth Elusennol Joseph Rowntree
• Sefydliad Banc Lloyds
• Sefydliad Paul Hamlyn
• Y Loteri Genedlaethol
• Sefydliad Standard Life
• UnLtd
• Gweithredu Gwirfoddol Merthyr Tudful
• Cronfa Her Economaidd Sefydliadol Llywodraeth Cymru

Rydyn ni’n elusen gofrestredig rhif. 1104191 ac yn gwmni cyfyngedig drwy warant rhif 4175018